Солонгос хэлний алсын зайн сургалтын үйлчилгээний нөхцөл

Нэг. Ерөнхий нөхцөл

Энэхүү үйлчилгээний нөхцөл нь “Нарийн гарц” олон хэл, хэл шинжлэлийн хүрээлэнгийн “Алсын зайн сургалт”-ын үйлчилгээтэй холбоотой харилцааг зохицуулна. Доорх үйлчилгээний нөхцөлтэй танилцан “Зөвшөөрч байна” гэсэн сонголтыг дарсанаар тус үйлчилгээнд оролцох эрх, үүрэг, хариуцлагыг дараах байдлаар хүлээхээр талууд тохиролцсонд тооцно. Үүнд:

• Гэрээгээ хянах
• Төлбөрийн шилжүүлэг хийхэд цахимаар нэвтрэх
• Цахим гэрээгээ үндэслэн гэрээний хугацаа сунгах, шинэчлэх
• Төлбөрийн гүйлгээ хийх
• Алсын зайн сургалтанд хамрагдах
• Хөнгөлөлт урамшуулал авах
• Төгсөлтийн үйл ажиллагаанд хамрагдах
• Хувийн мэдээлэлээр хангах

Ашиглах журам

1. Суралцагч “алсын зайн сургалт”-н бүтээгдэхүүнийг зөвхөн хувийн зорилгоор ашиглах эрхтэй ба худалдаалахыг хориглоно.
2. Цахим орчинд дамлан худалдаалах, хуулбарлан олшруулах, зөөврийн ямар нэг тоног төхөөрөмжөөр дамжуулан тараан түгээхийг хориглоно.
3. Түрээсэлсэн контентыг нэгэн зэрэг олон төхөөрөмж дээр үзэх боломжгүй. Хоёр төхөөрөмж дээрээ ээлжлэн үзэх боломжтойг анхаарна уу.

Нэг. Үг, хэллэгийн тайлбар

Үг хэллэг	Тайлбар
Багц	Суралцагч алсын зайн сургалтын харилцан адилгүй боломж бүхий сургалтын хэлбэрүүдээс өөрт тохирох сургалтыг сонгох нэг төрөл хэлбэрийг хэлнэ.
Багц шилжүүлэх	Суралцагч “Нарийн гарц” олон хэл, хэл шинжлэлийн хүрээлэнгийн алсын зайн сургалтын мэдээллийн ажилтантай холбогдон албан ёсны хүсэлт тавин өөрийн сонгосон багцын үйлчилгээг ахиулах, төлбөрийг нэмж төлөх зохицуулалтыг хэлнэ. Сонгосон багцыг бууруулах боломжгүй.
Алсын зайн сургалт, хичээл	“Нарийн гарц” олон хэл, хэл шинжлэлийн хүрээлэнгээс боловсруулан гаргасан, алсын зайн сургалтын зорилгоор бий болгосон, мөн зохиогчийн эрхийн хуулиар хамгаалагдсан цуврал хичээлүүдийг хэлнэ
Хичээл үзэх хугацаа	Алсын зайн сургалтын хөтөлбөрт хамрагдан тухайн хичээлийг үзэж болох хоногийн тоог хэлж байгаа болно. Энэхүү хугацаанд суралцагч хичээлийг хүссэн тоогоор үзэх боломжтой гэж ойлгоно.
Сурах бичиг	Алсын зайн сургалтын багцаас хамааран суралцагчид хүргэгдэн очих сурах бичгийг хэлнэ. Энэхүү сурах бичгийг “Нарийн гарц” олон хэл, хэл шинжлэлийн хүрээлэнгээс боловсруулан гаргасан бөгөөд зохиогчийн эрхээр баталгаажсан болно.
Сурах бичгийн дагалдах материал	Сурах бичиг бүр дагалдах аудио, видео, программын инсталл файл, программ ашиглах зааварчилгаа зэргийг боловсруулан дагалдуулж байгаа бөгөөд тус файлыг холбогдох материал хэсгээс татаж болно. Суралцагч хүсвэл “Нарийн гарц” олон хэл, хэл шинжлэлийн хүрээлэнгийн мэдээллийн ажилтантай холбогдон авч болно.
Явцын шалгалт	Тус үйлчилгээнд хамрагдаж буй суралцагч дараагийн хичээлийг үзэхийн өмнө өөрийн ур чадварыг шалгах, ур чадварыг ахиулах шаардлагатай богино хэмжээний шалгалтыг хэлнэ.
Шалгалт хоорондын зай	Суралцагч өөрийн ур чадварыг шалгах зорилгоор бүлэг бүрийн өмнө авах шалгалтын тоон давтамж нь дундаа хугацаа авч болохыг хэлж байгаа болно.
Дунд болон сүүлийн шалгалт	Суралцагч алсын зайн сургалтанд хамрагдан өөрийн ур чадварыг батлуулах хүчин төгөлдөр албан баримт бичгийг авахаар өгч буй албан ёсны шалгалтыг хэлнэ.
Сертификат	Монгол улсын Хөдөлмөр, нийгмийн хамгааллын яамны 081/2018 дугаар бүхий Мэргэжлийн сургалтын байгууллагын бүртгэлийн гэрчилгээ дээр үндэслэсэн болно. “Нарийн гарц” олон хэл, хэл шинжлэлийн хүрээлэнгээс боловсруулан гаргасан сургалтын хөтөлбөрт хамрагдан шаардлага хангаж чадсан суралцагчид өгөх хүчин төгөлдөр баримт бичгийг хэлнэ. Энэхүү баримт бичгийн хүчин төгөлдөр эсэхийг цахим орчинд www.worldlanguage.mn сайтын сертификат шалгах хэсгээс баталгаажуулж болно.
Сертификатны тэнхимийн шалгалт	Суралцагч багц хичээлийг сонгон өөрийн ур чадварыг тогтоосон хугацаанд өсгөн сертификат авах хүсэлтээ илэрхийлэн эцсийн байдлаар өгөх үнэлгээ авч болохуйц шалгалтыг хэлнэ. Энэхүү шалгалтыг сертификатны тэнхимийн шалгалт өгөх итгэмжлэгдсэн газруудад биеэр очиж өгөх шаардлагатай.
Сертификатны тэнхимийн шалгалт өгөх итгэмжлэгдсэн газар	“Нарийн гарц” олон хэл, хэл шинжлэлийн хүрээлэнгээс тогтоосон албан ёсны хаяг бүхий тодорхой байршилтай албан томилгоо хийсэн хувь хүн, албан байгууллагыг хэлнэ.
Сертификатны голч үнэлгээ	Суралцагч алсын зайн сургалтанд хичнээн цагийг зарцуулан үзсэн, явцын шалгалтуудын голч үнэлгээ, дунд болон сүүлийн шалгалтын үнэлгээ, нэмэлт үйл ажиллагаанд хэрхэн хамрагдсан зэрэг үнэлэмжүүдийг нэгтгэн өгөх үнэлгээг хэлнэ.
Тэнхимийн чөлөөт уулзалт	Тус хөтөлбөрт хамрагдаж буй суралцагч “Нарийн гарц” олон хэл, хэл шинжлэлийн хүрээлэнгээс тогтоосон салбар дээр цагийн хуваарийн дагуу цугларан мэргэжлийн багшаас биечлэн зөвлөмж авах, ойлгоогүй хэсгийг лавлах, үйл ажиллагаатай танилцах, “Гадаад хэл сурах”-тай холбоотой сонирхолтой лекцүүдэд суух зэрэг боломжит цугларалтыг хэлнэ.
Дагалдах сурах бичиг худалдах авах эрх	Суралцагч алсын зайн сургалтанд хамрагдсанаар “Нарийн гарц” олон хэл, хэл шинжлэлийн хүрээлэнгээс боловсруулан гаргасан бусад сурах бичиг, бараа бүтээгдэхүүнийг хямдралтай авах боломжийг хэлнэ.

Хоёр. Борлуулалтын нөхцөл

2.1. Үйлчилгээний нөхцөл нь нэг талаас “Нарийн гарц” олон хэл, хэл шинжлэлийн хүрээлэнгийн алсын зайн сургалтын системийн аюулгүй, найдвартай байдлыг ханган Суралцагчийн мэдээллийг хадгалах, хамгаалах, Нөгөө талаас тус үйлчилгээг ашиглан сургалтанд хамрагдаж буй суралцагчийн харилцааг зохицуулна.

2.2. Үйлчилгээний нөхцөл нь Суралцагч Үйлчилгээний нөхцөлтэй танилцан хүлээн зөвшөөрч, алсын зайн сургалтын системд бүртгүүлсэн өдрөөс хүчин төгөлдөр үйлчилнэ.

2.3. Үйлчилгээний нөхцөлд Суралцагчийн мэдээллийг нууцлах, хамгаалахтaй холбоотой “Хувийн нууцын бодлого” баримт бичиг, Үйлчилгээний төлбөр, Үйлчилгээний хугацаа сунгахтай холбоотой “Төлбөрийн нөхцөл” баримт бичгийг хавсаргасан. Эдгээр баримтууд нь Үйлчилгээний нөхцлийн бүрэлдэхүүн хэсэг тул Үйлчилгээний нөхцөлтэй танилцаж, зөвшөөрсөн нь эдгээр баримт бичгүүдтэй танилцсанд тооцогдоно.

2.4. Үйлчилгээ үзүүлэгчийн сервер компьютер нь “Үндэсний Дата Төв”-ийн хамгаалалт, найдвартай ажиллагаагаар хангагдсан дэд бүтцийг ашиглана.

2.5. “Нарийн гарц” олон хэл, хэл шинжлэлийн хүрээлэнгийн алсын зайн сургалтын систем нь оюуны өмчийн эрхтэй бүтээгдэхүүн бөгөөд Монгол Улсын “Оюуны өмчийн тухай” хуулиар хамгаалагдана.

2.6. “Нарийн гарц” олон хэл, хэл шинжлэлийн хүрээлэнгийн алсын зайн сургалтын систем болон Үйлчилгээтэй холбоотой вэб сайт, түүний мэдээлэл, баримт бичиг нь Үйлчилгээ үзүүлэгчийн өмч юм.

2.7. Үйлчилгээтэй холбоотой техник, технологи, хадгалагдаж буй бүх мэдээлэл нь Үйлчилгээ үзүүлэгчийн нууц бөгөөд Монгол Улсын “Байгууллагын нууцын тухай” хуулиар зохицуулагдана.

Гурав. Суралцагчийн эрх, үүрэг

3.1. Суралцагч энэхүү үйлчилгээний нөхцөлийг хүлээн зөвшөөрсөнөөр төлбөр төлөн тус үйлчилгээнд хамрагдах болно.

3.2. Суралцагч "Хувийн нууцын бодлого" баримт бичиг болон Үйлчилгээний нөхцөлтэй танилцаж зөвшөөрснөөр дагаж мөрдөх үүрэг хүлээнэ.

3.3. Суралцагч нь бусдыг төлөөлж эсвэл бусдад Үйлчилгээ хүргэх зорилгоор Үйлчилгээг ашиглах бол тухайн хувь хүн, хуулийн этгээдийн өмнөөс Үйлчилгээний нөхцөлтэй танилцаж, зөвшөөрснөөр төлөөлж буй этгээдийн өмнөөс хариуцлага хүлээнэ.

3.4. Өөрийн нууц үгийг алдалгүй, найдвартай хадгалах нь суралцагчийн үүрэг байна.

3.4. Өөрийн нууц үгээ өөрчлөх, шинэчлэх нь суралцагчийн хариуцлага байна.

3.5. Өөрийн нууц үгийг алдсанаас болон мэдээллийн нууцаа хадгалж чадаагүйгээс үүдэн гарсан асуудлын хариуцлагыг Үйлчилгээ үзүүлэгч хүлээхгүй.

3.6. Суралцагч нь Үйлчилгээ үзүүлэгчийн компьютерийн сүлжээ, сервер компьютерт хууль бусаар халдах, Үйлчилгээнд эвдрэл, саатал учруулах оролдлого хийхгүй байх үүрэгтэй.

3.7. Суралцагч алсын зайн сургалтанд хамрагдан өөрийн ур чадварыг өсгөн шалгалтуудыг шударгаар өгөх үүрэгтэй. Бүлэг хичээлийн явцын шалгалтын оноог дунд болон сүүлийн шалгалтаар дамжуулан баталгаажуулна. Дунд болон сүүлийн шалгалтыг “Нарийн гарц” олон хэл, хэл шинжлэлийн хүрээлэнгийн сертификатны тэнхимийн шалгалт өгөх итгэмлэгдсэн газарт 2 удаад өгнө.

3.8. Сертификатны хүчин төгөлдөр эсэхийг цахим орчинд www.worldlanguage.mn сайтын сертификат шалгах хэсгээс баталгаажуулах, шалгах эрхтэй.

3.9. Үйлчилгээний нууцлал, аюулгүй байдал, найдвартай ажиллагааны талаар санал, гомдлыг Үйлчилгээ үзүүлэгчид гаргана.

3.10. Суралцагч өөрийн мэдээллийг үнэн зөв бөглөх үүрэгтэй бөгөөд үнэн зөв бөглөөгүйгээс үүдэх (илгээмж буруу хаягаар явах гэх мэт) хариуцлагыг өөрөө хариуцна.

3.11. Суралцагч гэрээний нөхцөлтэй сайтар танилцан алсын зайн сургалтанд хамрагдсанаар гэрээ цуцлах боломжгүй юм.

3.12. Суралцагч алсын зайн сургалтанд хамрагдсанаар дараах хөнгөлөлтүүдийг эдлэнэ. Үүнд:

3.12.1 БНСУ-ын их, дээд сургуулиудад зуучлуулах сургалт зуучлалын үйлчилгээнээс хөнгөлөлт эдлэх

3.12.2 Сургалтанд ашиглагдах сурах бичгүүдийг урьдчилан авах, түүнд хамаарах цахим материалууд (видео хичээлүүд, апп-ууд гэх мэт)-ыг мөн үнэ төлбөргүй флаш болон бусад зөөврийн төхөөрөмжүүд дээр хуулуулан авах

3.12.3 Толь бичиг суулгуулах

3.12.4 Түвшин ахин суралцах тохиолдолд хөнгөлөлт эдлэх

3.12.5 Суралцагч сурлагын дүнгийн үзүүлэлт 95%-аас дээш байвал “Нарийн гарц” олон хэл, хэл шинжлэлийн хүрээлэнгийн сургалт зуучлалын үйлчилгээний 15% хүртэлх хөнгөлөлт эдлэх эрхтэй

3.13. Суралцагч тогтоосон хугацаанд шалгуур үзүүлэлтийг хангах үүрэгтэй. Тэгж чадаагүй тохиолдолд алсын зайн сургалтанд дахин хамрагдах хүсэлт гаргана. Ийнхүү хүсэлт гаргах нь 3.1. Заалтаас чөлөөлөгдөх үндэслэл болохгүй.

3.15. Суралцагч ахисан түвшин сонгох шаардлагатай тохиолдолд өөрийн түвшинг www.worldlanguage.mn сайтын түвшин тогтоох хэсэгт нэвтрэн түвшингөө тодорхойлуулах үүрэгтэй.

3.16. Суралцагч сурах бичгийг идэвхтэй ашиглан явцын, дунд болон сүүлийн шалгалтыг шударгаар өгөх үүрэгтэй.

3.17. Алсын зайн сургалтанд хамрагдсан суралцагч нарт зориулан зохион байгуулсан соёл, хүмүүжил, сурталчилгаа, олон нийтийн үйл ажиллагаанд идэвхтэй оролцох үүрэгтэй;

3.18. Гэрээний зүйл заалт бүртэй уншиж танилцсаны үндсэн зөвшөөрөх хэсгийг чагтлах үүрэгтэй;

3.19. Сургалтын чанар болон Багшийн ур чадвартай холбоотой санал хүсэлт гаргах;

3.20. Алсын зайн сургалтын хөтөлбөрт хамрагдан багц сонгосноор тус багцад хамаарах хөнгөлөлт эдлэх хүсэлтийг “Нарийн гарц” олон хэл, хэл шинжлэлийн хүрээлэнгийн мэдээллийн албанд гаргах

3.21. Сургалтын хөтөлбөрт ороогүй сурах бичгүүдийг худалдан авах эрхтэй

Дөрөв. Үйлчилгээ үзүүлэгчийн эрх, үүрэг

4.1. Үйлчилгээ үзүүлэгч нь “Нарийн гарц” олон хэл, хэл шинжлэлийн хүрээлэнгийн алсын зайн сургалтын системийн арчилгаа, аюулгүй найдвартай байдал, Хэрэглэгчийн мэдээлэл болон Үйлчилгээтэй холбоотой мэдээллийг хадгалах, хамгаалах, нөөцлөх зэрэг үйл ажиллагааны жигд байдлыг хангах үүрэгтэй.

4.2. Үйлчилгээ үзүүлэгч нь 24/7 (24 цагийн турш, долоо хоногийн бүх өдөр) нөхцлөөр Үйлчилгээг Хэрэглэгчдэд хүргэнэ.

4.3. Үйлчилгээ үзүүлэгч нь Хэрэглэгчийн мэдээлэлд шууд хандалт хийхгүй бөгөөд Хэрэглэгчийн зөвшөөрсөн урилгын дагуу Хэрэглэгчийн мэдээлэлд хандаж тусламж, зөвлөгөө өгнө.

4.4. Үйлчилгээ үзүүлэгч нь Хэрэглэгчийн байгаа байрлалд биеэчлэн очиж тусламж, дэмжлэг үзүүлэхгүй.

4.5. Үйлчилгээ үзүүлэгч нь техникийн өргөтгөл, програмын өөрчлөлт, шинэчлэлт хийх тохиолдолд Үйлчилгээнд түр хугацааны зогсолт хийж болно. Энэ тохиолдолд Хэрэглэгчийн имэйл хаяг болон вэб сайтаар дамжуулан урьдчилан мэдэгдэнэ.

4.6. Техникийн өргөтгөл, програмын өөрчлөлт, шинэчлэлт хийсэнтэй холбоотой Хэрэглэгчийн мэдээлэл өөрчлөгдсөн, устсан тохиолдолд хариуцлагыг Үйлчилгээ үзүүлэгч хүлээх бөгөөд асуудлыг шийдвэрлэхэд Талууд хамтран ажиллана.

4.7. Үйлчилгээ үзүүлэгч нь суралцагчийн интернет холболт, тухайн суралцагчийн компьютерийн техник хангамжаас үүдэлтэй асуудлын хариуцлагыг хүлээхгүй.

4.8. Хуулиар тусгайлан эрх олгогдсон байгууллага, тэдгээрийн ажилтан нь Хэрэглэгчийн мэдээлэлд хандах бол тухайн Хэрэглэгчээс зөвшөөрөл, урилга авахыг сануулна.

4.9. Үйлчилгээ үзүүлэгч нь Үйлчилгээний нөхцлийг өөрчлөн, шинэчлэх эрхтэй. Үйлчилгээний нөхцөлд өөрчлөлт хийсэн даруйд өөрчлөлтийн мэдэгдлийг Хэрэглэгчийн имэйл хаяг болон вэб сайтаар дамжуулан мэдэгдэнэ.

4.10. “Нарийн гарц” олон хэл, хэл шинжлэлийн хүрээлэнгийн алсын зайн сургалтын систем нь суралцагчийн ур чадварыг ахиулах тал дээр байнга шинэчлэгдэн сайжирна.

4.11. Алсын зайн сургалтын явцад суралцагч талаас гарсан санал хүсэлтийг хүлээн авч, шат дараатайгаар шийдвэрлэх.

4.12. Суралцагч сертификатны шалгуур үзүүлэлтийг хангаж чадсан тохиолдолд сертификат гардуулах ёслолын үйл ажиллагааг зохион байгуулж, төгсөгчийг хамруулах, мэдээллээр хангах үүрэгтэй.

Тав. Нууцлал

5.1. Энэхүү гэрээ нь Талуудын нууцад хамаарах бөгөөд хууль болон гэрээнд зааснаас бусад тохиолдолд нөгөө Талын бичгээр өгсөн зөвшөөрөлгүйгээр гэрээний талаар болон сургалтын төвийн үйл ажиллагаатай холбоотой нууц мэдээлэл болон энэхүү Гэрээг хэрэгжүүлэхтэй холбогдуулан олж авсан мэдээллийн нууцыг аливаа хэлбэрээр олон нийтэд буюу гуравдагч этгээдэд задруулахгүй байх үүрэгтэй.

Зургаа. Хариуцлага

6.1. Аль нэг тал энэхүү гэрээний 5 дугаар зүйлд заасан мэдээллийн нууцыг хадгалах үүргээ биелүүлээгүйгээс үүдэн нөгөө талд эдийн болон эдийн бус гэм хор учруулсан тохиолдолд задруулсан нууцын зэрэглэлээс хамаарч хохирлыг бодитоор тооцуулан хариуцлага тооцуулна.

6.2. Суралцагчийн буруутай үйл ажиллагааны улмаас гэрээг цуцлах тохиолдолд сургалтын төлбөрийг буцаан олгохгүй.

Долоо. Бусад

7.1. Талууд энэхүү гэрээгээр хүлээсэн эрх, үүргээ нөгөө талын албан ёсны зөвшөөрөлгүйгээр гуравдагч этгээдэд шилжүүлж үл болно.

7.2. Талуудын хооронд энэхүү гэрээнд тусгагдаагүй асуудлаар маргаан үүссэн тохиолдолд Монгол улсын Иргэний хуульд заасны дагуу шийдвэрлэнэ.

7.3. Суралцагч “зөвшөөрөх” хэсгийг зурсан нь уг гэрээний нөхцөлийг хүлээн зөвшөөрсөнд тооцогдоно.