Судалгааны арга зүй II хичээл нь суралцагчдад эрдэм шинжилгээний болон төгсөлтийн судалгааны ажлыг мэргэжлийн түвшинд боловсруулж, эмхэтгэн бэлтгэх мэдлэг, ур чадварыг эзэмшүүлэх зорилготой. Энэхүү хичээлээр дамжуулан судалгааны ажлын бүтэц зохион байгуулалт, бүлэг хоорондын уялдаа холбоо, судалгааны материал боловсруулах аргачлал, эх сурвалжийн боловсруулалт, эшлэл зүүлт хийх стандарт, хүснэгт зураг байрлуулах зарчим, хэвлэлийн болон хамгаалалтын шаардлагуудыг нарийвчлан судална.
Мөн судалгааны ажлын эх файлыг зөв зохион байгуулах, хадгалах, нөөцлөх, форматлах, хэвлэлтийн стандарт хангах арга барилыг эзэмшүүлж, төгсөлтийн ажил, эрдэм шинжилгээний өгүүлэл болон бусад судалгааны бүтээл боловсруулахад шаардлагатай практик туршлагыг олгоно. Хичээлийн хүрээнд жишиг төгсөлтийн ажил, судалгааны хэрэглэгдэхүүнүүдийг задлан шинжилж, бодит жишээн дээр ажиллах боломжийг суралцагчдад бүрдүүлсэн болно.
Энэхүү хичээл нь зөвхөн төгсөлтийн ажлаа амжилттай бичихэд төдийгүй цаашид магистр, докторын түвшний судалгаа хийхэд шаардлагатай академик бичгийн ур чадвар, судалгааны соёл, эрдэм шинжилгээний арга зүйн суурийг бүрдүүлэх ач холбогдолтой. Иймээс суралцагчид хичээлийн явцад өөрийн судалгааны ажлыг үе шаттайгаар боловсронгуй болгож, судалгааны бүтээлээ олон улсын болон үндэсний шаардлагад нийцүүлэн боловсруулах чадамжтай болно.
Хичээлийг амжилттай судалж дууссанаар суралцагч дараах чадваруудыг эзэмшинэ.
Энэхүү хичээлээр олж авах мэдлэг, туршлага нь зөвхөн их сургуулийн төгсөлтийн ажилд бус, цаашдын эрдэм шинжилгээний үйл ажиллагаа, мэргэжлийн хөгжлийн бүхий л шатанд үнэтэй хөрөнгө болох юм.
