Хичээл заасан багш: Б. Очирбаяр (Ph.D)
Соёл судлал хичээл нь соёлын тухай онол, үзэл баримтлал, түүний мөн чанар, бүтэц, хөгжил, нийгэмд үзүүлэх нөлөөллийг олон өнцгөөс судлах зорилготой ерөнхий суурь хичээл юм. Энэхүү хичээлээр дамжуулан суралцагчид соёлыг зөвхөн урлаг, уламжлалын хүрээнд бус хувь хүн, байгууллага, нийгэм, улс төр, эдийн засаг, боловсрол, олон улсын харилцаа зэрэг өргөн хүрээний үзэгдэлтэй холбон ойлгох боломжтой болно.
Хичээлийн хүрээнд соёлын ойлголт, үүсэл хөгжил, бүрэлдэхүүн хэсэг, ялгаа, хууль эрх зүйн үндэс, соёлын түүхэн үйл явц, соёлын өв, соёлын байгууллага зэрэг үндсэн сэдвүүдийг судална. Үүний зэрэгцээ хувь хүний соёл, байгууллагын соёл, нийгмийн соёл, мэргэжлийн соёл, улс төрийн соёл, цахим орчны соёл зэрэг орчин үеийн нийгэмд чухал байр суурь эзэлж буй соёлын олон хэлбэрийг жишээ, тохиолдол, судалгаанд тулгуурлан тайлбарлана.
Мөн соёл ба гадаад хэл, соёл ба олон улсын харилцаа, соёл ба эдийн засаг, соёлын зөрчилдөөн, соёлын ялгаа зэрэг асуудлуудыг авч үзэх бөгөөд олон улсын болон үндэсний түвшний жишээнүүдээр дамжуулан суралцагчдын шүүмжлэлт болон харьцуулсан сэтгэлгээг хөгжүүлэхэд анхаарна. Хичээлийн явцад багш онолын мэдлэгийг практик жишээтэй уялдуулан тайлбарлаж, оюутнуудын бие даасан эрэл хайгуул, хэлэлцүүлэг, дүн шинжилгээ хийх чадварыг дэмжин ажиллана.
Соёл судлал хичээлийн онцлог нь зөвхөн нийгмийн нийтлэг соёлыг тайлбарлахаас гадна иргэний оролцоо, ёс зүй, удирдлагын соёл, мэргэжлийн харилцаа, цахим хэрэглээний соёл зэрэг хувь хүний өдөр тутмын амьдрал, ажил мэргэжилтэй шууд холбоотой асуудлуудад онцгойлон анхаарсанд оршино. Мөн оюутнуудын бие даалтын ажилд багшийн шүүмж, зөвлөмжийг тусган өгснөөр онолын мэдлэгээ бодит нөхцөлд хэрэглэх боломжийг бүрдүүлдэг.
Энэхүү хичээлийн зорилго нь суралцагчдад соёлын тухай цогц ойлголт олгож, соёлын мөн чанар, бүтэц, үүрэг, нөлөөллийг хувь хүн, байгууллага болон нийгмийн түвшинд ойлгон тайлбарлах мэдлэг, чадварыг төлөвшүүлэхэд оршино.
Хичээлийг амжилттай судалж дууссанаар суралцагч дараах чадваруудыг эзэмшинэ. Үүнд:
Энэхүү хичээл нь бүх мэргэжлийн оюутанд зориулсан бөгөөд тусгай урьдчилсан мэдлэг шаардахгүй. Харин нийгэм, хүмүүнлэгийн шинжлэх ухааны суурь ойлголттой, мэдээлэлд дүн шинжилгээ хийх болон хэлэлцүүлэгт оролцох сонирхолтой байх нь суралцах үйл явцад дэмжлэг болно.
